Radio Kerne a zo eus outañ abaoe 1998. Ur radio e brezhoneg penn-da-benn eo hag a vez klevet e Bro-Gerne war 90.2 MHz e Kemper, 92.0 e Douarnenez ha 97.5 e Konk-Kerne ha Kemperle. Kinnig a ra 60 eurvezh abadennoù e brezhoneg bep sizhun, evit ar re vras hag ar re vihan. Ur program liesseurt, gant keleier, reportajoù, kronikoù, abadennoù farsus, hag all.

Al lodenn vrasañ eus an abadennoù-se a vez eskemmet pe kenproduet gant ar radioioù brezhonek all : Arvorig FM, Radio Kreiz Breizh, Radio Bro Gwened, Radio Naoned. Brudet eo e brogram sonerezh a lak war wel arzourien hag arzouerezed ar vro hag a chom digor war ar bed a-bezh. Un dibab sonerezh dibar hag a sach kalzig a selaouerien, brezhonegerien pe get.