Istor Nevezamzer ar C'hastell-Nevez 1/2. Gant Michel Toutous ha Jean-Claude Talec

Kaoz 'vo eus Nevezamzer ar C’hastell-Nevez ! N’eo ket pell ar festival-se da gaout hanter-kant vloaz dija. Lañset ‘oa bet ar fest-noz/fest-deiz er bloavezh 1977 ba’r C’hastell-Nevez gant daou soner anavezet mat dija d’ar c’houlz-se, Yann Meur ha Michel Toutous. Ar fest-mañ zo chomet bev betek-hen, o tegemer reoù-yaouank barzh e skipailh bepred. Bet omp war roudoù Nevezamzer ar C’hastell-Nevez evit goût penaos ‘n eus bevet ar festival het-a-hed ar bloavezhioù, penaos ‘n eus graet evit rentañ fas da diaezamantoù zo bet ba bed ar festoù-noz hag ar muzik hengounel ba Breizh.

Evit en ober omp bet o welet Michel Toutous, talabarder, soner binioù, ‘noa krouet ar festival hag oa chomet ba’r skipailh betek ar bloavezhioù 1980. Bet omp o kaozeal gant Jean-Claude Talec ivez hag-a zo ba’r skipailh Nevezamzer ar C’hastell-Nevez abaoe pell zo betek ar bloaz-mañ.