Imramoù war son ha war gan 05

Un dibab tonioù ha kanaouennoù flour ha lirzhin evit lidañ miz Mae, gouel Beltan (Bealtaine) ha degemer an hañv, gant Paddy Keenan, Breda Keville, Lá Lugh ha Danú ; daoust da lagad sklaer an heol parañ war zarvoudoù skrijus pe skrijusoc'h en deizioùmañ, siwazh ! Kaoz a vo eus prizoù ar sonerezh hengounel 2011 roet gant TG4, ar chadenn iwerzhonek : etouez ar re bet enoret er bloazmañ e vo klevet tonioù gant Noël Hill, paotr ar c'hoñsertina, Muireann Nic Amhlaoibh, kanerez ha sonerez fleüt, hag ar saverez tonioù ha fiddler doujet Liz Carroll... Un Imram plijus deoc'h !