Imramoù war son ha war gan 04

E kerzh hon imram war son ha war gan fenoz e vimp kaset da rannvro Uladh (Ulster), ha biz Bro Iwerzhon, gant ar strollad Lá Lugh; ha pelloc'h c'hoazh, betek aodoù Bro Skos da heul froud an eskemmoù fonnus a zo bet a viskoazh etre an div bobl gouezelek o sevenadur. Un dibab tonioù eus pladenn diwezhañ Seán Potts, Number 6, a vo klevet ivez : c'hwek ha seder ar sonerezh a zispak dindan bizied bervidik paotr an tin whistle eus Kêr Dulenn... tapet e 80 vloaz gantañ, 80 nevez amzer a fell din lavaret !... Ra gavfet ho plijadur en Imram mañ, war son ha war gan !