Pierre-Yves Kersulec, war hentoù ar brezhoneg (3/3)

Ugent vloaz 'zo e vez Pierre-Yves Kersulec o foetañ hent evit degouezhout gant brezhonegerien ha brezhonegerezed deus ar vro hag añrejistrañ anezho, tud hag o deus desket brezhoneg tout war barlenn o mamm.

Benjamin 'neus goulennet gantañ kontañ diwar-bouez an dud-se hag e droiadoù er vro, deus Enez-Eusa da Vro-Gwened. E-ser selaou o mouezh neuze e yaimp da Vro-Gwened da bourmen, etramek Melioneg, Prizieg, Brec'h ha Baod.