Poltred klasad lise Diwan #6 - Tangi ar Gall

E miz Mezheven 2001 e tremene klasad diwezhañ al lise Diwan ar vachelouriezh, evel an holl liseidi er vro. Petra zo deuet da vezañ al liseidi-se, 18 bloaz warlerc'h ? Peseurt soñjoù o deus dalc'het deus ar mare-se ha petra a dalvez evito bezañ bet skoliataet e Diwan? Adkavet hon eus lod deus ar promo 2001 evit ober ur poltred klasad, 18 bloaz goude. Klevet hon eus Nolwenn, ur gine o chom e Konk kerne, Ewen hag a zo designer e Paris, Loeiza, kanerez ha komedianez, Mathieu, kazetener 'ba Frañs3 ha Maella deus ar stal levr e Lampaol. Hiziv e klevomp Tangi ar Gall, deus ar strollad Startijenn.