Priz ar Vugale

A-ziwar skouer ar priz 'les incorruptibles' (e galleg) eo ganet Priz ar Vugale. Evit reiñ pouez ha talvoudegezh d'ar romantoù skrivet e brezhoneg evit ar vugale hag ar grennarded. Peogwir ne oa ket kalz deusoute c'hoazh un nebeut bloavezhioù zo. Evit broudañ da skrivañ anezhe ivez, anat ! Ha lenn a-stroll, prizañ al lennegezh a-stroll a zo a-bouez. Evel-se eo ganet ar Priz lennegel-se, douget gant an embanner Keit Vimp Bev ha gant ar gevredigezh FEA. Fanny Chauffin a oa dec'h e skol Diwan Penhars evit eskemm gant ar vugale. Deuet e oa gant div oberourez : Mai-Ewen ha Laurence Lavrand.