Loc'hañ ar pempvet redadeg

Hiziv e loc'ho ar pempvet Redadeg eus Sant Ervlan e-kichen Naoned. 1 700 km war lerc'h e vo digouez ar redadeg e Lokoal-Mendon d'ar 7 a viz Mae. Treuzet 'vo Breizh gant ar rederezed ha rederien deiz ha noz evit un abeg arouezel treuzkas ar brezhoneg a rummad da rummad, a vro da vro, treuskas ur yezh yac'h, oberiant ha gant startijenn. Korin Rotach a zo e karg aozañ ar Redadeg e Sant Ervlan hag e Liger Atlantel. Ur bern labour zo bet kaset ganti ha gant he skipailh evit kinnig ur gouel a-feson.