Jean Billon, ur c'haner deus ar vro

Gant ur c'haner omp bet oc'h en em gavout ar wech-mañ. Jean Billon eo e anv ha matrehe 'walc'h 'peus bet digarez dija da glevet anezhañ o kanañ er festoù-noz er vro. Jean zo 'chom e Gouezeg, er Menez Du, met ganet eo en Erge Vras e-lec'h ma oa e dud o talc'hen douar. Met n'eo ket ar re-mañ o deus desket dezhañ ar mod da ganañ. Jean 'neus desket kanañ diwezhat a-walc'h, gant Loeiz Roparzh da gentañ, e Kemper.