Tifenn Linéatte : Kakaw hag Ar Roueed Poubelenn

Tost daou vloaz 'zo bremañ 'vez gwelet ar gomedianez Tifenn Linéatte ingal a-walc'h war leurennoù ar vro, asambles gant he c'hamaradez Martina Díaz Pérez, evit ar pezh-c'hoari "Kakaw", produet gant La Obra. An diw-mañ a gas an dud da veajiñ e bro ar pobloù maya, bro ar c'hakao ! Met pell 'zo n'eo ket ken un evaj sakr evit ar re vaya ... En em gavet eo an Europeaned ha kemeret eo bet an douaroù ganto evit gwerzañ ar c'hakao deomp ! Ha n'eus ket pell eo krog Tifenn Linéatte e-barzh al labour en-dro ivez, evit sevel ur pezh-c'hoari all a zo e anv "Ar Roueed Poubelenn". Hennezh a gonto deomp istor daou furlukin hag a zo eürus ken-ha-ken o welet pegen fall emañ ar jeu war an tamm douar-mañ.