"Ar paotr-pri, hag a voe hanter-baeet, a laboure dek kwezh muioc'h 'vit ar re all"

Raymond Lousouarn a zo ur paotr Penmarc'h 'n eus bet graet ar vicher a vunuzer. En abadenn-mañ e konto deomp gant e vrezhoneg pinvidik penaos eo bet stummet war ar vicher pa voe 14 bloaz. Lâret a raio deomp penaos eo cheñchet ar modoù da sevel tier ivez, etre ar bloavezhioù 40 ha hiriv : tremenet deus ar pri d'ar simant ha deus ar vein d'ar parpaing, deus ar paotr-pri d'ar gru, deus an heskenn dorn d'an heskenn dredan, ha penaos e voe savet ar chafod gant koad Bloveilh. Kontiñ raio deomp c'hoazh penaos voe gouel d'ar mare ma voe staget ar boked deus ar chiminal, ur wezh echuet o labour gant ar vasonerien. Un abadenn savet gant Tunvezh Gwlagen-Grandjean