'Priz ar vugale' ha 'Priz ar yaouankiz'

Palioù 'Priz ar yaouankiz' ha 'Priz ar vugale': " brudañ al lennegezh evit ar yaouankiz e brezhoneg, " broudañ ar vugale hag ar grennarded da lenn aliesoc'h e brezhoneg, " kalonekaat an embannerien levrioù nevez skrivet e brezhoneg (troidigezh ebet), " kalonekaat ar skrivagnerien da ginnig skridoù evit ar re yaouank, " aozañ eskemmoù, kejadennoù etre ar skrivagnerien brudet hag ar re o kregiñ ganti... Evit kas al labour-se da benn o deus ar gevredigezh Féa hag an ti-embann Keit Vimp Bev en em lakaet asambles e 2003. E dibenn miz Mae 2012 e oamp ur strolladig barnerien o tibab skridoù da vouetañ ar priz da zont e 2012-2013...