An endro hag al labour-douar lakaet kein ouzh kein gant ar Stad : Mouezhioù Koñfederasion ar Beizanted ha Breizh Vev. 21/07/26

Votet 'oa bet al lezenn Loi d'Urgence Agricole dec'h d'an noz er Vodadenn Vroadel ha deus-se 'vo kaoz hiziv evel just.

• Gant mouezh-aotreet Koñfederasion ar Beizanted 22 Goulven Troadec hon eus lakaet ar gaoz war ar prezegennoù oa bet aozet gant Ministrerezh al Labour-Douar etre miz Meurzh ha miz Even 2026 e Breizh : « Prezegennoù war souveneriezh ar boued ».

• Bev ha gwarezet an natur e lec’hioù zo. Er Roc’h-Ugu e Pleuzal e vez klasket en ober. Tro-dro d’ar c’hastell zo un park bras gant gwez, poulloù, plant ha loened. Ur vizitadenn heuliet o doa enrollet Yann Boishardy ha Sahel Frangeul-Rabeau eus RKB du-hont, lec’h ma oa Divi Alliot-Toupin (Ti ar Vro Treger-Goueloù) o treuzkas e varregezhioù war sekredoù an natur.

• Hag a-raok klozañ an abadenn-se ez imp betek Penn-ar-Bed asambles gant Jean-Noël Ballot. Hennezh zo eil-prezidant Breizh Vev ha gantañ ‘vo anv eus an 9 c’humun a c’hallfe bezañ diglaset eus an tachennoù gwarezet deus an nitratoù.

Muzik :

• Elza Soares, Libertação

• Soledad, Entré a mi pago sin Golpear