Ar gorventenn Ciaran he deus galoupet war douaroù Breizh!

Un nozvezh e-mesk ar re washañ ! C’hwezhet ‘neus ar gorventenn Ciaran war Breizh hag ul lodenn eus kornog Bro-C’hall e-kerzh an noz etre dimerc'her ha diriaou. Beket 207 kilometr an eur eo bet muzuliet tizh an avel ‘ba Beg ar Raz… 190 kilometr d’an eur ‘ba enez Vaz, 166 kilometr d’an eur ‘ba Lannuon pe c'hoazh 178 km/e ‘ba beg Penmarc’h… Un tourmant e-touez ar re feulsañ zo en em gavet ‘ba Breizh. Kalzig a distruj zo bet. Gwez zo bet pilet ha stanket ur bern hentoù ganto. Troc’hoù tredan forzh pegement zo bet ha muioc’h evit 780 000 familh zo bet troc’het an tredan dezho. Toennoù tiez zo aet gant an avel evel ‘bar Fouilhez ‘ba Menez Are : toenn ar skol zo nijet kuit pe c'hoazh kloc’hdi iliz Kernouez ‘ba kichen Lesneven zo kouezhet war an doenn… Dec’h eo ar rouedad trenioù oa bet paouezet ‘ba Breizh… Hudu e vo digoret en dro al linennoù houarn ‘ba reter ar vro en deus embannet an SNCF. Met ‘ba Breizh-Izel ne vo tren ebet o vont ha dont : etre Brest ha Sant Brieg, Brest ha Kemper, ha Kemper-an Oriant, memestra e vo etre Karaez ha Pempoull… ‘Ba Breizh ‘neus bet den o vervel goazen d’ar gorventenn… Met daou a dud zo bet lazhet gaozen da Ciaran: ur blenier karr-samm ‘ba Pikardi hag un den kozh ‘ban Havr-Nevez hervez minister an diabarzh. Deomp da Vreizh en dro ‘ba bro Gwitalmeze war aod hanter noz Bro Leon… Eno eo beket 172 km d’an eur eo aet ar barradoù avel… Selaouomp testeni Soizig Kerouredan he doa tremenet un nozvezh start mat etre dimerc'her ha diriaou ‘ba Porsall… Emañ gant Erwan Blanchard.

Anav a reomp ar morioù glas, lan a vezhin glas àr aodoù Breizh.

Er C'haribean eo ar mor divent Sargasses, pe ar mor Bezhin an Asoroù a ra aon d'an dud. Kalz kalz re a erru àr an aodoù enno. Brasaet eo spontus an tiriad war vor e weller ar bezhin-se o veviñ. Un efed e vehe a cheñchamant an hin. Ha liammet get obererezhioù bugel-den (mab-den) ivez... Muioc'h a zo bet merzhet get Kirsten Neuschäfer. Ar gampionez he deus tapet ar Golden Globe Race ar blez-mañ. Un tro ar bed àr vag en he unan e-pad 8 miz he deus graet, hep dafar teknikel modern. Goude 20 vloaz war vor, ez eus cheñchamantoù kreñv a c'hell bezañ gwelet get an daoulagad .Un atersadenn get Enora Molac, get sikour Caroline Trouillet he deus prestet he mouezh vrezhonek.

Gwiad-gevnid, sitrouilhez hag euzhviled e trepasoù …

Setu savadurioù Kampus Keryann Skol-veur Roazhon 2 en doa gwisket e dilhad kala-goañv. Klinket e oa bet ar skol-veur gant ar studierien evit lakaat an dud da vezañ e tro-spered Halloween da vare an Halloween. Abaoe bloavezhioù e vez aozet ur sizhunvezh hanter a zarvoudoù liesseurt er skol-veur gant kevredigezhioù studier … nozvezhioù, abadennoù sinema o tiskouez filmoù skrijus hag all. E mesk an darvoudoù-se en doa dibabet Kejadenn Kevredigezh ar studierien war yezhoù Breizh ha yezhoù keltiek e Roazhon 2 aozañ ur veilhadeg war tem an Halloween. Evit-se e oa deuet konterien ha kanerien deus Bro Roazhon met dreist-holl deus ar Skol-veur, selaomp Maela hag Anjela a zo studierezed ezel deus ar gevredigezh Kejadenn ... Ur reportaj gant Anton Burel.

Radio BOA hag e radioioù keveler

Bezañ kelaouet

Radio BOA hag e radioioù keveler

Bezañ kelaouet

Keleier ar Vro

An holl bodksignadennoù

Keleier ar vro d'ar Gwener 10 a viz Du 2023 - 8e30

Titl ebet

Titl ebet

Keleier d'ar meurzh 7 a viz Du-8e30 beure

Keleier ar vro d'al lun 6 a viz Du - 8e30 beure

Keleier 8e30 d'ar gwener 03 a viz Du 2023

Keleier ar vro d'ar Gwener 27 a viz Here 2023 - 8e30

Keleier ar vro d'ar Yaou 2 a viz Du 2023 - 8e30

Keleier d'ar meurzh 31 a viz Here- 8e30 beure

Titl ebet