Festival al levrioù e Breizh, Gwenrann 2024 Eskemm gant Loeiza An Duigou

D’ar Sul 17 a viz Du e oamp bet oc’h ober un tamm tro e Gwenrann evit Festival al Levrioù e Breizh. Evel bep bloaz hon eus gallet en em staliañ er vediaoueg da enrollañ eskemm lennegel ar bodad lenn. Ar bloaz-mañ e oa bet pedet Loeiza an Duigou ouzh mikro Damaris Merlet hag Elena Dalibot. Peadra da astenn ar gaoz war hec’h oberenn, Tan De’i !