ÉTIENNE DAHO "Les chansons de l'innocence retrouvée" (2013) 1/5

A-houde 30 vlez, a-houde e albom kentañ, Mythomane, en deus savet Étienne Daho ur repertoar galleg a galite fin, sonerezh pop sontil, un ollved dandyel, personel ha modern. Kenlabouret neus ged ar re wellañ (Jacno, Charlotte Gainsbourg, Marianne Faithfull, Alain Bashung...). Ged e vouezh-voulous ema dàet da voud unan ag ar ganerion veur a Frañs. E 2013 e kenniga e dri-zegved albom, Les chansons de l'innocence retrouvée ; sur'walh n'ew ket bet james kollet getoñ, mes adkavet neus ar sklêrijenn, goude dow albom teñwelikoh. An toniow so bet kempennet ha kenkomposet ged Jean-Louis Piérot (Les Valentins), en deus gouiet sevel luskow souezhus hag a za da gempoues ged posiow don ("La peau dure") ha eeun ("Onze mille vierges") ar haner, melkonius pe otmimist, skañv pe sirius. Ar levesoniow vez klewet iwe : Bowie ("Le baiser du destin"), Gainsbourg ("Un nouveau printemps"), Blondie (Debby Harry so bet pedet ba "L'étrangère", àr-un-dro ged Nile Rodgers). Ema dalhmad e darempred ged ar re yowank (Frànçois Marry ba "L'homme qui marche" ; Au Revoir Simone ba'r ganenn-ditl). Etre e vuhez-eñv, sinema e spered ha barzhoniezh e invañturezh eh a Daho àr-raog, ha ni da zañsal, luskellet g'e vouezh-voulous ha g'e gomsow gadalus. LIO "Amoureux solitaires" in Lio (1980 . Arabella) LUDÉAL "Le jardinier japonais" in SP (2013 . Atmosphériques) YELLE "L'amour parfait" in EP L'amour parfait (2013 . Kitsuné) AU REVOIR SIMONE "Somebody who" in Move in spectrums (2013 . Instant Records) ÉTIENNE DAHO feat. AU REVOIR SIMONE ha YAN WAGNER "Les chansons de l'innocence" in Les chansons de l'innocence retrouvée (2013 . Polydor) YAN WAGNER "Changed" in Forty-eight hours (2012 . Pschent) Liammow an deiz : > Étienne Daho ha > Yelle > Ludéal > Yan Wagner > Au Revoir Simone