OF MONSTERS AND MEN "My head is an animal" (2012) 1/5

A Vro-ar-Skorn e ta ar strollad Of Monsters And Men. Ur sextuor ew, anwiow hir gete, èl ged ar ganeres Nanna Bryndis Hilmarsdóttir (anavet iwe ged he anw-leurenn Songbird), ha kennigiñ a rant o musik indi-folk-rock a-houde 2009. Goude ar single "Little talks" àrlene, bet niv.1 barzh o bro, e embannant o albom kentañ ar blez-mañ : My head is an animal. Produet ew bet ged Jacquire King (Tom Waits, King Of Leon, Norah Jones), ha mikset ged Craig Silvey. Hennezh neus kenlabouret raog ged Arcade Fire, ar strollad vez keñveriet gete lies. Ur folk-orkestr a glewer amañ, ged kaniri vras, benwigi kouevr, kerden, ha mouezhiow plijus-bras Nanna ha Raggi. Musissianed ampart int, o son vez levesonet ged ur spered-meuriad ("Six weeks"), toniow-bale akoustik ("Love love love"), pop a-wezhow iwe ("King and lionheart"), ha peurlipet-fin ("Yellow light"). Lies ema melkonius an toniow, heb boud pounner ur sort, braw, sontil, marse ne souezhint ket penn-da-benn, mes efedus-awalh int ewid kevrediñ ar selowerion. A Vro-ar-Skorn eh omp akustumet da zegemer arzourion a galite uhel (Björk, Sigur Rós...), ha ne vimp ket dipitet ged Of Monsters And Men. É kreskiñ fonnabl ema o brud, aes ew da gompren. HOT BUTTER "Popcorn" in Hot butter (1972 . Musicor) ARCHIVE "Wiped out" in With us until you're dead (2012 . Dangervisit) BAND OF HORSES "Dumpster world" in Mirage rock (2012 . Columbia) OLIVIA RUIZ "Volver" in Le calme et la tempête (2012 . OF MONSTERS AND MEN "Mountain sound" in My head is an animal (2012 . Mercury) Liammow an deiz : > Archive > Band Of Horses > Olivia Ruiz > Of Monsters And Men