LES YEUX D'LA TÊTE "Madones" (2012) 1/5

Ur strollad chanson-rock ew Les Yeux D'La Tête, krouet ba Paris e 2006 ged ar ganerion ha sonerion-gitar Benoît Savard ha Guillaume Jousselin. Gete iwe Eddy Lopez (sakso), Émilien Pottier (gourrebed, kitar-boud), Pierre Chatel (batri) hag Antoine Alliese (akordeoñ). Estroh eid 300 koñsert o deus ràet, a davarniow-koñsert Montmartre beteg ar festivaliow bras. E 2008 o doa embannet o albom kentañ, Danser sur les toits, kasset da benn ged Jean Taxis (Enzo Enzo, Gipsy Kings...). Anavet int bet da vad ged ar press, sonet o deus ewid lodenn gentañ sonadegow Sansévérino, Thoms Fersen, La Rue Kétanou... ha ba'r broiow estren (Alamagn, Beljik, Hongri...). E 2012 e kennigant o eil albom, Madones, ur bladenn binwig, bew ha dieub, ha produet-braw ged Laurent Jais (Melissmell, Mano Negra). Kempennow swing ha rock, kanennow a-zivoud ar maouesed ("Parisiennes", "La femme à barbe", "La belle inconnue"), chik ha melkonius ("Des bouts de papier"), efedus ha fentus ("Dreams"), setu un disk lan a vuhez, hag a zegass an hoant da gariñ ha da brofitiñ, en ur mod simpl ha joaius. Lies ema anad o levesoniow, mes ged an eil albom-mañ e tiaseza Les Yeux D'La Tête ur gwir personelezh-musik, fin ha tiomm, fiskal ewid hon diwskouarn a-p'ema an Diskar-Amser doh en em staliiñ. CLAUDE BOLLING ET LES PARISIENNES "Il fait trop beau pour travailler" in 45t (1964 . Philips) PEP'S "Liberta" (bom) in Au sourire de l'âme (2003 . Suivre Le Flo) PEP'S "En solo" in Équilibre sauvage (2012 . AZ) TRYO "Ladilafé" in Ladilafé (2012 . Columbia) TRYO "Printemps arabe" in Ladilafé (2012 . Columbia) LES YEUX D'LA TÊTE "Parisiennes" in Madones (2012 . Washi Washa) CLAUDE BOLLING ET LES PARISIENNES "Les Parisiennes" in 45t (1964 . Philips) Liammow an deiz : > Pep's > Tryo > Bumcello > Les Yeux D'La Tête > Ar label Washi Washa