Abadenn Nnn 176 : Lizher ag an 29.12.1916

Abadenn Nnn 176 Lizher ag an 29.12.1916 Lec'h : Conchy-les-Pots. ///E tan da gomz genoc'h... Un daolenn livet evidomp. Paourkaezh Jos !... Dousaet en deus an amzer arre, ha glav a zo daet... Arc'hoazh vintin eh in d'an overenn evit pediñ get eneñv ho tad... Rac'h ar re a za a bermision a dou ne retornint mui... Ur fall soñj en deus graet Louis da vonet da vout konduiour... Noz ha deiz bout prest da veajiñ dre hentoù fondet rac'h... Pevar fakad butum e'it ma zad. Lakait e ti Bayon, ar c'hentañ gwellañ, ar vuredad gwin-ardant goulennnet genoc'h... Al levr bihan Brizeux, Choix de poésies... Ret eo ma ne vo ket bras ar pakad... Man blezad mat da Vari-Louis ha da Jann-Mari Rieu... M'ho kar èl ma c'harit./// E tan da gomz genoc'h : ar wirionez en tu arall d'ar c'hliche. Un daolenn livet roet dezhe get Jos Parker. Ar soudard bleset goude bout kuitaet an ospital : ur pennadig amzer da dapout lañs en dro (koñvalo), cheñch rejimant ha lec'h mar bez ret : Louis ar Meliner lakaet en Train. Diaes e vez distreiñ ag ar gêr. Trenioù loened evit kas ha degas ar soudarded. Brizeux, ar barzh karet. Afer ar gwin-ardant arre.