Avel Am Fenn - Gwener 10 a viz Imbrilh

An dibenn-sizhun-mañ emañ Kan ar Bobl e Pondi, neuze èl rezon e klevit Maksim Crahé, prezidant Kan ar Bobl, é komz ag ar fest en hous abadenn hiniv. Emañ Kan ar Bobl é klask tud nevez aveid ar burev! Neuze lakait hous anv mard oc'h intereset ha ma faot deoc'h e vo kendalc'het get ar vrav a fest-mañ!

Modarall e klevit aveid ar wezh ziwezhañ Enora Molac é komz a raktres Kenleur 'Ar pezh a chom', hag Enora c'hoazh ur wezh, asambl get Caroline Trouillet, e lodenn ziwezhan ar gronikenn Splann aveid ar miz-mañ.

Ar c'heleier vo kaset get Metig Jakez-Vargas, ha pas get Erwan Blanchard èl ma laran e penn kentañ an abadenn.

Abadenn kaset get Emrys van Seventer