Er rann-mañ
e komzer :
E petra e soñjer pa grouer un abadenn tele nevez? Etre ar soñj hag an oberenn e c'hell bout ur bochad labour, hag emañ ret kemer e kont ur bochad elfennoù disheñwal. Muioc'h get Florent Grouin (Brezhoweb) get an abadenn amprou nevez Penaos c'hoari.
Un den nevez a zo erruet evit labourat get skipailh pedagogel Skolaj-lise Diwan Gwened, Florian Voyenne. Desket brezhoneg ar blez paset get ar c'helenner àr ar yezhoù klasel, muioc'h àr an hent bet heuliet getoñ da glevout e penn kommañs an abadenn.
"Ne faot ket lezel an douar e-noazh" setu unan a gerioù-stur Joëlle, a ro kinnigoù poellek d'an dud a volonte-vat eh ober àr-dro ar liorzh rannet Ekolokobio e Pondi. Muioc'h get Andrea Ar Gall, prezidantez ar gevredigezh, e pennad-kaoz ar sizhun.
Keleier ar vro ar mitin-mañ oa, kaset get Tomaz Laken. Un abadenn kaset dre-eeun a Bondi get Enora Molac.
