SOFA an hañv. Taol-Lañs GBB 2026: JD

Setu ur serienn abadennoù Sofa an hañv, ho lakay da glevout ar pezh a zo c'hoarveet e Taol-Lañs GBB 2026.

Ar sizhun-mañ e vo klevet JD, en deus digoret an noziad e maner Kernod e Mellag d'ar Gwener 27 a viz Even 2026. Anaveet eo JD evit bout soner kan ha diskan kentoc'h, aze e oa ur gwir souezhadenn er gwellout o seniñ folk dirag an holl! Get JD emañ bet tapet priz ar rummad dazont.

Un noziad a-galite uhel

8 strollad a zo tremenet àr ar leurenn, er rummadoù "dazont" hag "a-vicher". Da-heul o 15 munutenn sonadeg e oant bet degemeret àr ur plato radio get Marianne Vaedi, Metig Jakez Vargas (Radio Kerne, Radio Breizh) hag Enora Molac (Radio BOA). Filmet hag enrollet an traoù get skipailhad Kaouenn ! Azenor Kallag an hini eo a zegemere an arzourezed hag arzourien àr ar leurenn.

Barnet e oant àr o sonerezh, o fozioù ha distagadur, koherañs o c'hinnig, o vezañs àr ar leurenn get Elise Desbordes (Emezi, prezidantez ar juri); Solange Cloarec (Deus 'Ta); Eli Salaun (Yezhoù ha Sevenadur) ha Christophe Dagorne (Le Novomax).

Muncai trec'h er rummad "a-vicher" ha JD er rummad "dazont", taol kalon evit Hekleù

Emgavioù get tud a-vicher, sonadegoù, rezidañsoù, prantadoù atersadennoù, fotoioù ha videoioù a zo profet dezho. Tud a-vicher GBB a vo gete evit sikour da ziorren o raktres arzhel. Chañs vat dezho !

Un taol-kalon a zo bet roet get ar juri d'an daouad Hekleù (Gwendal Le Ruyet ha Antoine Scaviner).

Podkast:

seveniñ hag animiñ: Radio BOA & Radio Kerne

teknik live an arzourien: Kaouenn

teknik an atersadennoù: Radio BOA