Er rann-mañ
e komzer :
"Daoust hag e faot deoc'h kas an dañs, pe me a ra?"
Ur goulenn a zistro pasabl etre an dud, pa vez dañset en un daouad, er balioù folk. Paotred o tañsal daou ha daou, merc'hed o kas an dañs, pazioù dañs n'o deus netra da welet get an hengoun, planchod, klinkladurioù brav ha chug-jiñjembr... Ya, ur c'harikatur eo un tammig, met ur seurt: erruet oc'h en ur bal folk! Adkavit testenioù Gwenn Le Roux, sonerez akordeoñ ha dañserez; Véronique Bonnelie a zo e aozadur ar Balilas; Mael Lhopiteau soner telenn e Nij ha Skeeq hag Inés Sanchez Mesonero, dañserez a vro Saragoza e bro Spagn.
Meurzh 25/11: 151 feminisid betek bremañ, e 2025
Ur seurt sifr a zo rannet get Nous Toutes. Meur a darvoud a zo bet aozet an deizioù-mañ e koun an devezh etrevroadel enep ar feulsterioù graet d'ar maouezed. Distro àr manifestadeg ar Meurzh 25/11 b'An Oriant e fin an deiz, ha tammoù displegadennoù hollekoc'h Liza Jakez Vargas (Radio Naoned) hag he sell pedago àr an afer (skignet en o fezh er gronikenn Mouk).
Kregin dour-dous: ur spesad palapré dibar (teirvet lodenn)
Kregin dour-dous pe kregin-perlez a vez graet anezhe. Evezhiaet e vezont get Perig Pustoc'h, ag ar gevredigezh Breizh Vev.
"Bout 'zo deus ar memes spesad e Kanada pe war kevandiroù all er bed, ar pezh hor lak da soñjal e oa deus ar c'hregin dour-dous da vare ar Pangée dija". Muioc'h a zisplegadennoù àr ur spesad dibar, a vez anezhañ er vro c'hoazh e meur e 25 ster... Evit ar poent.
Reko Clem: Typhaine Corre ha Tangi Le Gall-Carré, Fulor Ruz
