Er rann-mañ
e komzer :
Tizhet eo ar pal get skipailhad ar gevredigezh Jardin Biskoul!
Ouzhpenn 5000 euro a zo bet dastummet en ur rak-gwerzhiñ ar c'hoari kartennoù 8 familh. 8 familh, peogwir eh eus 8 anezho en hor broioù! Pep tra 'zo displeget en ur c'hoari da zeskiñ gounid legumaj evit an deraouidi, graet get Florie Thielin ag ar gevredigezh Jardin Biskoul.
Piv 'nehe kredet? Ur bivalv sioul, spesad "disglavier" bev en hor stêrioù
Atav, evezhiaet eo. A-dost. Perig Pustoc'h a zo karget ag ur seurt labour, evit ar gevredigezh Breizh Vev. Nag ur vuhez hir a vez bevet get ur seurt kregin, o deus afer ag un endro kempouezet mat ha prop bras evit kreskiñ. Muioc'h get Perig, a zo karget anezho e Kreiz Breizh, ha mem da sikour anezho da greskiñ en un ti gwilioudi ispisial. Avañturioù marvailhus.
Emañ GBB o tostaat !
Ha labour a zo ni 'lâra deoc'h. Ar blez-mañ e vo dalc'het an darvoud e Maner Kernod e Kemperle. Ya, devet n'oa un tamm ag ar savadur nevez renevesaet, un devezh trist a viz Genver. Forzh penaos e vo brav an amzer, hag ar gouel a vo graet er maez. Dilun 19/05 e veze sinet ur goñvañsion etre ar gouel hag Hentoù ar glad (les chemins du patrimoine 29) evit frammiñ an emglev. Muioc'h get ar genurzhierez GBB Claire Le Moing.
Reko Clem: Elise Bourn, Pickles.
Poltres: Perig Pustoc'h, goprad Breizh Vev, e studio Radio BOA e Kemperle. Aterset e oa get Enora Molac, o kas an abadenn-mañ.
