Er rann-mañ
e komzer :
Mantrus eo disoc'hoù enklask TMO àr stad yezhoù Breizh embannet e miz Genver 2025. Digresket tost an hanter ag an dud gouest da gomz brezhoneg.
Pasabl a zigresk a vehe bet ivez ag an niver a c'hallaouegerion ha gallaouegerezed, etre 2018 ha 2024.
"Krog omp da welout disoc'hoù al labour kaset er bloavezhioù 90" eme Fulup Jakez, rener OPAB, àr kresk an niver a dud yaouank o komz brezhoneg, e-mesk ar re etre 25 ha 39 vlez*.
Evit Lessandre Casseron, karget a ziorren evit Institut du Galo, eo mall bras plantiñ a-barzh evit ar gallaoueg. Ur pikol labour kizidikaat a chom d'ober evit labourat àr ar sell a vez teuret àr ar yezh, en desped d'ar fed e vez treuskaset ar gallaoueg pasabl er familhoù c'hoazh*.
*Hervezh enklask TMO 2024.
Tradi deiz: 1350 dañser.ez e Gwened Disul
En abadenn-mañ e adkavehet ivez Kenleur, o komz deus digoradur sezon ar c'hoñkourioù a benn Disul e Gwened. Get Youena Baron, Rozenn Tanou, Corentin Bagot, Manon Le Querler ha Yann-Vari Le Doussal.
Nomad war an hent: un avañtur nevez àr hent ar seiz
Echu eo get Foeterien, met n'eo ket echu get slipailhad produiñ Mikael Baudu, Soazig Kerouredan ha Stefan Gaouier. Krouet o deus Huñvre production, ha labourat a reont àr sezon kentañ ur c'hoñsept avañturioù nevez, en estrenn-vro. Klask a zo àr daouadoù tud en em anav mat evit kemer perzh. Kasit ho lizher emginnig dezho: nomadwaranhent@gmail.com
Muioc'h a zisplegadennoù get Soazig Kerouredan, tizhet dre bellgomz.
Reko Clem: Everwarm ft. Odga: Back to you.
