107.5 : war-eeun eus marc'had Pempoull da lidañ ar frekañs nevez !

D'ar meurzh 19 a viz Meurzh e oa skipailh Radio Kreiz Breizh war-eeun eus marc'had Pempoull gant un abadenn da lidañ war an ton bras ar frekañs nevez gonezet gant ar radio e Bro-Oueloù !

War an digarez-se e oa bet pedet Faned Labbay da gomz eus ar raktres digoriñ ur skol Diwan nevez e Landreger. A-hend-all e oa bet pedet meur a zen eus Bro-Oueloù : Fañchig Gohin eus ar gevredigezh Kalon Plouha, Silvi ha Joel Donarzh eus Plourivo (Silvi zo koñsailherez e Plourivo ha Joel zo bet skolaer e Diwan Pempoull e-pad un 30 vloaz bennaket) ha Goulven Morvan, koñsailher-kêr e Pempoull.

Trugarez vras dezhe da vezañ graet un degemer a-zoare deomp e Pempoull !

Un abadenn gant Maelle Ausias, Gweltaz Heno ha Tomaz Laquaine-Jakez