Du « maovèz patouèz » ao parlement de fezerie : l’istouère d’Yves Bourdao

Durant lontemp, Yves Bourdao, sonjae qi prechaet « un maovéz patouéz ». Côme tout pllein de garçaille de Haote Bertègn, i veqhis d’o un parlement qu’on oueyaet à la ferme, a l’entour de la table d’o la famille, den les istouère, les ditons, … meins pour la sienne-la ça n’etaet point un parlement.

Et a 18 ans d’âje, il decouvre qe ce caozé a un nom : le galo, le parlement roman de la Bertègn. Apprindr ca, va changer l’imaije q’il a de li, son istouère, et cèt qhulture du peupl lontemp restée qhutée.

Depés, Yves Bourdao conte, rassère, rdone ét fèt vivre son parlement en Haote Bertègn, den des spectacls et son ouvraije su la memouère.

D’o li, j’allons caozer de rdonnër, de honte den le monde à l’entour des parlements de pae, et etout d’identitë bertonne en pae galo… et j’allons runjer su : Qement q’on passe-ti d’un parlement qhutë, a un parlement q’on défend ét q’on rdonne ?