Jañ Poder, Jañ-Mari Youdeg hag ar re all... gant Marsel Gwilhouz

Ur fest-deiz / fest-noz da rentiñ enor da Varsel Gwilhouz a vo e Laruen d’an deiz kentañ a viz Meurzh ! Un digarez kaer d’an dud o deus anavezet an den meur-se, a-dost pe a-bell, da dremen un tamm amzer plijus asambles, o kano hag o tañsal, gant mouezh Marsel ar paotr plaen tu bennaket ba o divskouarn !

En abadenn-mañ e vo klevet ur gaoz etre Marsel Gwilhouz ha Kristian Rivoalen, paotr Dastum e kreiz Breizh, bet enrollet e Krec’h Morvan, Laruen, e fin miz Eost 2019. Aet e oamp hom-daou, Kristian ha me, da c’houlennata unan eus treuzkaserien wellañ hom sevenadur e kreiz ar vro diwar-benn an dud en doa bet klevet o kanañ, ba’n amzer kozh pe goshoc’h. An neudenn a oa en deiz-se war-dro da Jean Poder, bet ganet er bloaz 1903.

Un abadenn enrollet e miz Eost 2019 gant Tomaz Laken-Jakez

Kanaouennoù :

• Jañ-Mari Youdeg ha Jañ Poder bet enrollet gant Glaodina Mazeas

• Manu Keryann ha Marsel Gwilhouz e Kan ar Bobl Mêl-Karaez e 1997

• Yann-Fañch Kemener ha Marsel Gwilhouez e Kan ar Bobl Duod e 1991

Poltred gant Eric Legret