Un distro-skol e touezh ar re wellañ evit ar c'helen divyezhek publik, mez mont a ra re c'houstadik c'hoazh

Ober a ra ar gevredigezh Divyezh ur bilañs deus an distro-skol-mañ evit ar pezh a sell deus an hentenn brezhoneg er skolioù-publik. Un distro-skol frealzus eo hini 2019 en ur mod, pa ouier n'eus bet biskoaz kement a glasoù hag a hentadoù digoret 'giz ar bloaz-mañ. 30 post labour a-bezh a zo bet krouet gant ar rektordi. Hag e ya ar gevredigezh kerent Divyezh war greñvaat ivez, gant div wezh muioc'h a dud e c'huzul merañ, 14 kevredigezh lec'hel en ouzhpenn, evit tizout an niver a 100 kevredigezh Divyezh en holl war live Breizh. Degasomp da soñj da gentañ petra eo ar gevredigezh Divyezh, ha da betra selvij, gant Arnaud Goapper he eil-brezidant. Emañ deus mikro Tunvezh Gwlagen-Grandjean.